Gülnar Samilqızı - Düz vaxtlarına
TDKŞB · 09.08.2026

Qışdan yol tutasan, güllü bahara,
Varasan nərgizin, qız vaxtlarına.
Sonra yüyürəsən üzü dağlara,
Çatasan lalənin "köz" vaxtlarına.

Qatıb bir-birinə aranı, dağı,
Təngiyə nəfəsin, şişə ayağın,
Yetəsən, qaynayan "Nazlı bulağ"ın,
Dişini göynədən, buz vaxtlarına.

Bu necə azadlıq?! - cəza qədəri,
Bir ümüd çıxmır ki, yaza qədəri...
Söküb, vaxt-vədəsiz qəza-qədəri,
Qurasan hər şeyi, öz vaxtlarına

Gülnar, düz dünyada düzlər azalıb,
Çoxları yükünü çiynindən salıb,
Ayaq qablarını, əlinə alıb,
Qaçasan dünyanın düz vaxtlarına

Gülnar Samilqızı

— https://www.tdksb.org/works/gulnar-samilqizi-duz-vaxtlarina