Xuraman Muradova - Azərbaycan-Türkiyə
TDKŞB · 29.10.2026

Əzəldən bir doğulub 

Birgə boy atmısınız, 

Adı, ruhu, qanı, bir, 

Kökü, soyu, canı bir, 

Siz doğma qardaşsınız 

İşıqlı  gələcəyə  

Azərbaycan-Türkiyə! 

 

Tarix boyu bir olub 

Yolunuz, məqsədiniz. 

Dünyaya car çəkibdi 

Türk adlı haqq səsiniz, 

Sizin bu varlığınız 

Bölünməzdir ikiyə 

Azərbaycan-Türkiyə! 

 

Baş əyməz türk övladı 

Düşməninə, yadına. 

Sadiq olub hər zaman 

Özünün türk adına. 

Layiqdir ərənliyə, 

Layiqdir hər sevgiyə, 

Azərbaycan-Türkiyə! 

 

Daşınızda doğmalıq, 

Sözünüzdə qürur var. 

Yenilməz vüqarınız 

Düşmənin bağrın yarar. 

Siz ey doğma şahinlər, 

Turana gedən yolun 

Göyərən ümidləri 

Sülhün göyərçinləri! 

Nə mutlu Türküm deyə 

Azərbaycan-Türkiyə!

— https://www.tdksb.org/works/xuraman-muradova-azerbaycan-turkiye-secezeq