Xuraman Muradova - İzin ver, nöqtən olum mən!..
TDKŞB · 15.10.2025

Nə cümləmə sığışdın sən

Nə qələmim yazdı səndən

Tükəndim bu olmazlardan

İzin ver nöqtən olum mən…

Sənki məndən uzaqlarda ,

Səmada, yerdə, göydəsən

Ruhunu da al get məndən,

İzin ver nöqtən olum mən…

Ən gözəl şerim sən idin…

Yanlış hecalarım da sən.

Yarımçıq vergüllərim də,

Bitən nidalarımda sən!

Amma bu gün sondu artıq,

Sonuncu misram da bitdi.

Ürəyimin son nöqtəsi

Səninlə bağlandı, bitdi…

Küsdü ruhumdakı sevgi,

Gözəl olan hər şey getdi.

Qələm susdu, ürək dedi:

“Nöqtə qoy – qurtardı, bitdi…”

— https://www.tdksb.org/works/xuraman-muradova-izin-ver-noeqten-olum-men-2