Xuraman Muradova - Sən xatirə ol
TDKŞB · 04.07.2026

Bir axşam dünya ruhuna dar gələr,
Qəlbinə bir nisgil, bir kədər çökər.
Başını qaldırıb göylərə bir bax,
O geniş səmalar gör nə söyləyər.

Xatırla, xatırla o anı, yeri,
Tərk edib gedənlər dönməyir geri.
Lakin o göylərdə bir nişanə var,
Mənəm o səssizlik, mənəm o vüqar.

Sığmaz bu genişlik heç bir məkana,
Sanki bir əmanət qalar dünyana.
Sənin gözlərində sönən o məşəl,
Qürurlu eşqimdir, çatmaz ona əl.

Amma heyhat, artıq keçibdir zaman,
Peşmanlıq qəlbinə verməz heç aman.
Gecikmiş etiraf – küləkli bir yol,
Mən uzaq ulduzam, sən xatirə ol.

— https://www.tdksb.org/works/xuraman-muradova-sen-xatire-ol