Xuraman Muradova - Yoxluqda Səbir — Varlıqda Əxlaq
TDKŞB · 15.10.2025

Heç nəyin də yox ikən — səbrindən uzaq olma sən,

Hər şeyin də var ikən — gəl, qoru əxlaqını sən.

Yoxluq sınağa çəkər, varlıq təkəbbür gətirər,

Hər ikisi imtahan,sonunda Haqqa götürər.

Səbir — susaraq deyil, inanıb gözləməkdir,

Tikanların içində gülü görmək deməkdir.

Səbir — iman işıqlı çətinlikdən keçməkdir,

Pıçıltıyla dərdini Allaha söyləməkdir.

Əxlaq — heç görünməyən, abrın ziynət libası,

Gözəllik üzlə deyil, həyanın nur mirası.

Əxlaq — hər bir halıyla doğru yolu getməkdir,

Ruhun səsini duyub Yaradana yetməkdir…

— https://www.tdksb.org/works/xuraman-muradova-yoxluqda-sebir-varliqda-exlaq