Gülnar Samilqızı - Düz vaxtlarına

Qışdan yol tutasan, güllü bahara,Varasan nərgizin, qız vaxtlarına.Sonra yüyürəsən üzü dağlara,Çatasan lalənin "köz" vaxtlarına.

Qatıb bir-birinə aranı, dağı,Təngiyə nəfəsin, şişə ayağın,Yetəsən, qaynayan "Nazlı bulağ"ın,Dişini göynədən, buz vaxtlarına.

Bu necə azadlıq?! - cəza qədəri,Bir ümüd çıxmır ki, yaza qədəri...Söküb, vaxt-vədəsiz qəza-qədəri,Qurasan hər şeyi, öz vaxtlarına

Gülnar, düz dünyada düzlər azalıb,Çoxları yükünü çiynindən salıb,Ayaq qablarını, əlinə alıb,Qaçasan dünyanın düz vaxtlarına

Gülnar Samilqızı