Xuraman Muradova - Ana duası

Açan əlləri göyə, biçarə, nalan anadır,

Hər duası bəladan, canı qoruyan anadır.

Sözləri sanki şəfadır, qəmi qəlbindən silər,

O fəğan etsə mələklər, göylərdə rəhm dilər.

O pıçıldar gecələr, Rəbbinə yalvarmaq üçün,

Nuru-parlaq yolundan zülmətləri qovmaq üçün.

Ana qəlbindəki saf sevgi bəşərdən ucadır,

O dua etməsə dünya, bizə zindan, gecədir.

Bərəkətdir, hüzurdur, o müqəddəs nəfəsi,

Cənnətin rəmzi imiş, sanki ananın o səsi.